नियंत्रक शिधावाटप व संचालक नागरी पुरवठा यांच्या कार्यालया मार्फत आयोजित ‘रक्तदान’ शिबिराचे मंत्री छगन भुजबळ यांच्या हस्ते उद्दघाटन 

नाशिक – नियंत्रक शिधावाटप व संचालक नागरी पुरवठा यांच्या कार्यालयाच्या वतीने क्रांतीज्योती सावित्रीबाई फुले यांच्या जयंतीचे औचित्य साधत आज रक्तदान शिबीराचे आयोजन करण्यात आले होते. या ‘रक्तदान’ शिबिराचे आज राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांच्या हस्ते उद्दघाटन करण्यात करण्यात आले. यावेळी नियंत्रक शिधावाटप संचालक व ग्राहक वितरण कार्यालयाच्या या स्तुत्य उपक्रमाचे त्यांनी कौतुक देखील केले.

राज्यात कोरोनाच्या संकटामुळे महाराष्ट्राच्या रक्तपेढ्यांमध्ये रक्ताचा तुटवडा भासत आहे त्यामुळे नियंत्रक शिधावाटप संचालक व ग्राहक वितरण कार्यालयाने आपल्या सर्व कार्यालयात सावित्रीबाई फुले यांच्या जयंतीचे औचित्य साधत रक्तदान शिबिर राबवण्याचा निर्णय घेतला आहे.

यावेळी अन्न नागरी पुरवठा व ग्राहक संरक्षण मंत्री छगन भुजबळ यांच्यासह नियंत्रक शिधावाटप व संचालक नागरी पुरवठा कैलास पगारे, उपनियंत्रक शिधावाटप ज्ञानेश्वर जवंजाळ,उपनियंत्रक शिधावाटप मनोहर कडवे, निरीक्षक किरण जामसांडेकर, निरीक्षक किरण सुर्वे, कल्याणी देसाई, सलमा खान, संदीप केणी हे उपस्थित होते.

राज्याचे अन्न,नागरी पुरवठा व ग्राहक संरक्षण मंत्री छगन भुजबळ यांनी यावेळी रक्तदान शिबिराची पाहणी केली व रक्तादान करणाऱ्या सर्व कर्मचारी व अधिकारी यांच्याशी संवाद साधत विचारपूस केली व कोरोनाच्या संकटामुळे निर्माण झालेल्या रक्ताच्या तुटवडा भरून काढण्यासाठी कार्यालयातील सर्व कर्मचारी आणि अधिकारी यांनी सुरू केलेल्या ह्या उपक्रमाला मी शुभेच्छा देतो अश्या भावना त्यांनी व्यक्त केल्या यावेळी नियंत्रक शिधावाटप व संचालक नागरी पुरवठा कैलास पगारे यांनी देखील कर्मचाऱ्यां सोबत रक्तदान केले तसेच रक्तादान केलेल्या कर्मचारी आणि अधिकारी यांना श्री भुजबळ यांच्या हस्ते प्रशस्तीपत्रकाचे वितरण करण्यात आले.